Xiddiga khadka dhexe uga ciyaara kooxda Bayern Munich ee Joshua Kimmich ayaa sheegay in uu diirada saarayo kooxdiisa haatan maadama ay soo jeedinayaan warraku in uu u dhaqaaqi doono suuqa kala iibsiga xagaagan.
Ciyaaryahanka heerka caalami ee dalka Jarmalka ayaa weli ah ciyaaryahan muhiim u ah Bayern, isagoo 21 kulan u saftay tartamada oo dhan xilli ciyaareedkan, isagoo dhaliyay hal gool, caawiyena ka ahaa lix gool.
Si kastaba ha ahaatee, 28-sano jirkaan ayaa kaliya qandaraas kula jira Allianz Arena ilaa June 2025, waxaana jiray warar sheegaya inuu ka tagi doono kooxda Jarmalka xagaagan isagoo raadinaya tartan cusub.
Barcelona ayaa la rumeysan yahay inay xiiso waqti dheer ah u qabto ciyaaryahanka khadka dhexe, halka Man City sidoo kale la sheegay inay dooneyso inay hesho saxiixiisa ka hor xilli ciyaareedka 2024-25.
Warbixin dhawaan soo baxday ayaa lagu sheegay in Man City ay ku fikirayso inay u dhaqaaqdo bisha Janaayo laakiin ay haatan diyaar u tahay inay sugaan ilaa dhamaadka xilli ciyaareedkan si ay xiriir ula sameeyaan xiddiga reer Germany.
Kimmich ayaa sheegay in uu diirada saarayo Bayern uuna filayo in kooxdu ay la soo xiriirto wakhtiyada soo socda si ay ugala hadlaan suurtogalnimada kordhinta.
“Xaqiiqdii waxaan diirada saarayaa Bayern,” Kimmich ayaa u sheegay Sky Deutschland.
HBN SPORTS DESK