Wasiirka Arrimaha Gudaha Xukuumadda Federaalka ah ee Soomaaliya Axmed Macalin Fiqi, ayaa ku dhawaaqay bannaanbax ballaaran oo lagu wado inuu berri oo Khamiis ah ka dhaco magaalada Muqdisho, kaasoo lagu muujinayo dareenka shacabka Soomaaliyeed ee ku aaddan heshiiska muranka badan dhaliyay ee Itoobiya iyo Somaliland.
Fiqi waxa uu carabka ku adkeeyay in ficilada Itoobiya ay ka baxsan yihiin heshiis kaliya, isagoo ku eedeeyay in ay damacsan tahay in ay duulaan ku soo qaado dhulka Soomaaliyeed.
Waxa uu walaac ka muujiyay kaniisadaha iyo goobaha kale ee Itoobiya ee u diyaargaroobaya waxa uu u arko in ay tahay “ujeedka dowladda Itoobiya ee ah in ay ku xadgudubto dhulka Soomaalida.”
Isagoo ka jawaabaya walaacyadaas, ayuu Wasiir Fiqi ku boorriyay Wasiirka Diinta inuu soo abaabulo bulshada Soomaaliyeed si ay uga dhiidhiyaan wax uu ku tilmaamay xadgudubka ay Itoobiya ku hayso dhulka Soomaaliyeed. Wasiirka ayaa ku nuux-nuux saday in xaaladdu ay aad u culus tahay, isagoo caddeeyay in ay ka gudubtay heshiisyo kaliya, balse ay saamayneytso diinta, dalka iyo dadkaba.
Hadalkaan ayaa waxa uu la mid yahay Mudaaharaadyada ka socda Muqdisho, kuwaas oo muujinaya sida ay uga xun yihiin damaca Itoobiya ee ku aadan qeyb ka mid ah Badda Soomaaliya. Baaqa bannaanbaxa ballaaran wuxuu hoosta ka xariiqayaa welwelka qotoda dheer ee ka jira gudaha Soomaaliya iyo diidmada la dareemayo in lagu xad-gudbay madax-banaanideeda dhuleed.
HBN NEWS DESK