Hoggaamiyaha maamulka SSC Khaatumo Cabdiqaadir Axmed Aw-Cali (Firdhiye), ayaa kulan muihiim ah la yeeshay Guddoomiyaha Hay’adda Maaraynta Musiibooyinka Maxamuud Macalin Cabdulle ayaa maanta xarunta dhexe ee SoDMA waxa uu ku soo dhaweeyey Hoggaamiyaha Maamulkaas.
Hoggaamiyaha ayaa Hey’adda SoDMA la wadaagay warbixinnada bani’aadannimo ee ka jira degaannada maamulkaas, kaasoo soo bandhigay xaaladaha nugul ee ay ku nolol yihiin dadka gobolka isla markaana u baahan yihiin gargaar oo ballaaran, oo wax looga qabto baahiyaha aas aasiga ah ee ku xeeran. Firdhiye ayaa ka dalbaday Hay’adda Maaraynta Musiibooyinka in ay dedejiso howlaha gargaarka ee maamulkiisa.
Guddoomiyaha hay’adda SoDMA ayaa Hogaamiyaha Maamulka KMG ee SSC iyo wafdigiisa u sheegay ballaan qaad, isagoo xusay in hay’addu sii laban-laabi doonto dadaallada bani’aadannimo ee ay ka waddo degaannada SSC-Khatumo, isla markaana ay horay wax uu garsiiyeen.
Hoggaamiyaha maamulka SSC Khaatumo ayaa kulamo wax ku ool ah oo ku aaddan hormarinta maamulkiisa cusub iyo adeegyada bulshada ka wado magaalada Muqdisho, kaasoo kulamo kala duwan la yeeshay hey’adaha kala duwan ee Faderaalka.
HBN NEWS DESK