Dowladda Soomaaliya ayaa heshiis la gashay Sanduuqa Horumarinta Caalamiga ah ee OPEC si loo xalliyo deyn dhan 36 milyan oo dollar.
Wasiirka Maaliyadda Soomaaliya Biixi Iimaan Cige oo heshiiska ku saxiixday magaalada Vienna ayaa sheegay in dowladda Sacuudiga ay kaalin muhiim ah ka qaadatay fududeynta wadahadallada, kaasoo soo dedejiyay hannaanka deyn cafinta.
Wasiirka Soomaaliya ayaa carabka ku adkeeyay in heshiiskan uu yahay qodob kale oo guul u ah wada xaajoodyada deyn cafinta, kaasoo lagu taageerayo xasiloonida dhaqaalaha guud iyo soo kabashada dhaqaalaha Soomaaliya.
Tallaabadan ayaa ka dhigaysa Soomaaliya inay u qalanto ka qayb qaadashada mashaariicda horumarineed ee Sanduuqa OPEC, sida dalalka kale ee Afrika ee soo koraya.
Bishii Disembar 2023, Hay’adda Lacagta Adduunka ee IMF iyo Bankiga Adduunka ayaa ansixiyay $4.5 bilyan oo deyn cafis ah oo Soomaaliya lagu leeyahay, kaddib markii ay Soomaaliya soo gabagabeysay sannado badan oo dib u habeyn lagu sameeyay dhaqaalaha dalka, isla markaana laga cafiyay deyn badan.
Deymahan waaaa 1996 bilaabayy IMF iyo Bangiga Adduunka si loo caawiyo wadamada ugu saboolsan adduunka oo ay Soomaaliya ku jirto.
HBN NEWS DESK