Ra’iisul Wasaaraha Xukuumadda Soomaaliya Xamsa Cabdi Barre, ayaa magacaabay Guddi Qaran oo loo xil saaray Taakuleynta Dagaalka lagula jira kooxaha ah Alshabaab iyo Daacish.
Xubnaha uu magacaabay oo ka kooban 7 wasiiro iyo guddoomiyaal ayaa waxaa madax looga dhigay Raysal wasaare ku-xigeenka 2-aad ee dalka Cabdisalaan Cabdi Cali.
Lixda kale ee xubin oo 4 wasiir iyo 2 guddoomiye kala ah ayaa kala ah Yuusuf Cali Xoosh wasiirka arimaha guddaha, Bashiir Maxamed Jaamac Goobe wasiirka Isbedelka Cilimada, Cali Xaashi Aadan Wasiirka Caafimaadka, Maxamed Cali Xagaa Wasiiru-dowalaha amniga, Guddoomiyaha gobolka Baandir Maxamed Axmed Amiir iyo guddoomiyaha hay’adda maareynta iyo masiibooyinka Maxamuud Macalin Xasan.
Masuuliyiinta ayaa la sheegay in ay ka shaqeyn doonaan kor joogteynta iyo galaangalka taakuleynta dagaalka la gula jiro kooxaha Alshabaab iyo Daacish.
Kulamo hore oo golaha wasiiru yeesheen ayaa looga dhawaajiyey in la soo magacaabi doono xubno guddi ah oo loo xilsaaray arimaha dagaalka ka dhanka kooxaha Daacish iyo Alshabaab.
HBN ONLINE TV