Wareegii koowaad ee doorashada madaxweynaha maamulka Waqooyi Bari Soomaaliya ayaa la soo gabagabeeyey, iyadoo labada musharrax ee hoggaaminaya tartanka ay kala yihiin Cabdulqaadir Axmed Aw Cali (Firdhiye) oo helay 36 cod iyo Cabdirisaaq Khalif Axmed oo 20 cod ah.
Musharraxiinta kale ayaa codadka u kala helay sidan:
Jamaal Maxamed Xasan – 15 cod
Maxamuud Yuusuf Xasan – 8 cod
Cabdirashiid Faarax Maxamuud – 4 cod
Firdhiye ayaa hoggaanka haya, iyadoo tartanku uu si weyn u kulul yahay, waxaana la filayaa in wareegyada xiga ay go’aamiyaan natiijada kama dambaysta ah ee doorashada.
Wareega labaad, musharraxiinta u gudbay waa Firdhiye oo haysa 37 cod iyo Cabdirisaaq Khalif oo haya 20 cod. Codadka la tartamaya waa kuwa musharraxiinta haray oo dhan, kuwaas oo isu geyntoodu tahay 27 cod.
Firdhiye waxa uu u baahan yahay 6 cod si uu guul buuxda u gaaro, halka Cabdirisaaqna uu u baahan yahay 22 cod.
Wareegga labaad ayaa noqon doona midka go’aamiya madaxweynaha ugu horreeya ee maamulka cusub ee Waqooyi Bari Soomaaliya.
Isha ku haay HBN ONLINE TV