Vinicius Junior ayaa sheegay inuu ku faraxsan yahay Real Madrid, uuna rajeynayo in madaxweynaha kooxda Florentino Perez uu u ogolaado inuu sii joogo Bernabeu muddo dheer.
Ciyaaryahanka heerka caalami ee dalka Brazil ayaa seegay kulankii La Liga ee usbuucii hore ay la ciyaareen Atletico Madrid sababtoo ah dhibaato dhanka qoorta ah, lakiin waxa uu ku soo laabtay safka sabtida ee ay wajahayeen hogaamiyayaasha horyaalka Girona.
Vinicius ayaa qaab ciyaareed cajiib ah soo bandhigay kulankii Girona isaga oo dhaliyay hal gool sidoo kale caawiye ka noqday 2 gool oo kale waxana uu haatan dhaliyay 12 gool iyo 7 caawin 21 kulan oo uu u saftay Los Blancos xilli ciyaareedkii 2023-24.
23-sano jirkaan ayaa kaliya qandaraas cusub u saxiixay Real Madrid bishii October ee lasoo dhaafay, laakiin waxaa dhawaanahan la isla dhex marayay warar la isla dhexmarayay oo ku saabsan mustaqbalkiisa Kylian Mbappe.
Mbappe ayaa la sheegay inuu go’aansaday inuu beeca xorta ah ugu biiro Real Madrid xagaagan isaga oo kaga soo biiray kooxda Paris Saint-Germain, waxaana jiray warar sheegaya in imaatinkiisa uu horseedi karo iibka Vinicius.
Bishii la soo dhaafay, waxaa la sheegay in Manchester United ay si dhow isha ugu haysay xaaladda, iyadoo Red Devils ay macquul tahay inay sahamiso suurtogalnimada ay ku keeni karto Old Trafford.
Si kastaba ha ahaatee, Vinicius ayaa muujiyay rabitaan ah inuu sii joogo Bernabeu muddo dheer, isagoo u sheegay suxufiyiinta ka dib markii ay isku dhaceen Girona.
HBN SPORTS DESK