Taliyihii Guutada 14 October ee ciidanka Xoogga Dalka Soomaaliya Alle ha unaxariisto Nuur Maxamed Gaaboow ” Nuur Fareey ” ayaa maanta la dilay xilli la sheegay in uu la hadlayey Ciidamo Feyl ku jiray oo ku sugnaa xero ku taala gobolka Shabeellaha hoose.
Dilkaan oo la wariyay in uu geystay qof ku labisnaa dharka ciidamda, lamana sheegin sababta arrintaas ka dambaysay, sida aan ka soo xiganeyno ilo milatari.
Xogaha qaar ayaa tilmaamaya in la qabtay ruuxa ka falkaas ka dambeeyay, halka ilo kale ay shaaciyeen in la toogtay ninka dilay taliyihii guutada 14-ka Octoobar Allaha unaxariisto Nuur Farey.
Marxuum Nuur Fareey oo la tilmaamay in muddo uu u joogay gobolka dagaalka ka dhanka ah Alshabaab ayaa horay dhowr jeer kaga badbaaday dilal qorsheysan, iyadoo qarax lala doonayey lagu dilay abaanduulihii isla guutada 14-ka Octoobar.
Isha ku haay HBN ONLINE TV