Dhaqdhaqaaqa dib u soo kabashada dhaqaalaha, Soomaaliya waxay qarka u saaran tahay inay gaarto guul taariikhi ah iyadoo hay’adda lacagta adduunka (IMF) iyo Bankiga Adduunka ay isku diyaarinayaan dhameystirka tillaabooyinkii ugu dambeeyay ee deyn cafinta dalka oo in muddo ah la sugayay iyo shirar ku saabsan sidii hore loo qorsheeyay, Diisambar 13-keeda.
Af hayeenka IMF Julie Kozack, ayaa shir jaraa’id oo ay dhawaan qabatay, waxay rajo ka muujisay horumarkan muhiimka ah, iyadoo sheegtay, “Tani waxay noqon doontaa horumarka xiga.” Golaha sare ee Bankiga Adduunka ayaa lagu wadaa in maalin ka hor ay shir isugu yimaadaan si ay uga doodaan isla arrintan, iyagoo hoosta ka xariiqay sida caalamku uga go’an yahay dib u soo nooleynta maaliyadda Soomaaliya.
Socdaalka deyn cafinta ayaa billowday bishii November markii Soomaaliya iyo IMF ay gaareen heshiis heer shaqo ah. Heshiisku waxa uu ka kooban yahay barnaamij taageero oo 36 bilood ah oo looga dan leeyahay in lagu xoojiyo kaydka maaliyadeed ee dalka.
Heshiiskan ayaa qeyb ka ah, IMF waxa ay ku tabarucaysaa $100 milyan oo doollar, taasoo ah cirbad muhiim ah oo loogu talagalay in lagu xoojiyo aasaaska dhaqaalaha Soomaaliya.
Tallaabadani waxay qayb ka ahayd dib-u-eegis ballaaran oo lagu sameeyay siyaasadda dhaqaalaha, maaliyadda, iyo bulshada ee siddeed waddan oo Afrikaan ah. Ujeedadu waxay ahayd in la furo faylalka maalgashiga, xoojinta kaydadka daciifka ah, iyo bixinta taageerada miisaaniyadeed ee muhiimka ah.
Dhammaystirka guusha leh ee dib u eegista ayaa keentay ballan qaad cajiib ah oo ka badan $1 bilyan oo doollarka Mareykanka ah oo ka timid toddoba ka mid ah siddeedda waddan, sida uu ansixiyay guddiga fulinta ee IMF.
HBN NEWS DESK