Somaliland ayaa digniin culus u dirtay dalal aan la cayimin oo la rumeysan yahay inay doonayaan inay farageliyaan heshiiskii ay dhawaan la saxiixdeen Itoobiya. War-saxaafadeed lagu baahiyey Mareegta Wasaaradda Arrimaha Dibadda Somaliland, ayaa lagu xaqiijiyey inay ka go’an tahay ilaalinta dadka xukuumadda iyo dadkoodaba.
War-saxaafadeedku waxa uu si aan leex leexleexad lahayn u diiday fara-gelin kasta oo loo arko mid dhaawacaysa danaha iyo rabitaanka madax-bannaanida Somaliland. Waxay ku nuuxnuuxsatay in heshiiska laba geesoodka ah ee Itoobiya uu ku salaysan yahay mabaadi’da iskaashiga iyo faa’iidada labada dhinac, oo u adeegaya danaha labada dhinac ee ay khusayso.
Somaliland ayaa ka digtay in heshiiska Itoobiya ay uga faa’iidaysato beesha caalamka.
War-saxaafadeedka ayaa lagu sheegay in loo baahan yahay in laga digtoonaado dhaq-dhaqaaqyada la qariyay inay yihiin dadaallada lagu ilaalinayo madax-bannaanida Somaliland, kuwaasoo la sheegay inay ka shaqeynayaan danaha gaarka ah ee dalalka kale, balse aanan la shaacin magacyadooda.
Digniintan ayaa timid iyadoo ay soo baxayaan warar sheegaya in Kenya ay ku andacooneyso inay adeegsaneyso diblomaasiyad lagu dhexdhexaadinayo Muqdisho iyo Adis Ababa, si ay Itoobiya uga dhaadhiciso inay ka baxdo heshiiska nuqul kamid ah, kaasoo ah in meesha laga saaro aqoonsiga Somaliland.
HBN NEWS DESK