Maamulka Puntland ayaa warsaxaafadeed & baaq nabadeed kasoo saaray dagaal beeleed culus oo ka taagan gobolka Mudug kaasoo dhaliyay khasaaro kala duwan, qoraalka ayaa lagu sheegay in si shuruud la’aan lagu joojiyo coolaadda & dagaalada ka socda gobolkaas.
“Waxaan ku baaqaynaa in colaada ka socota galbeedka gobolka Mudug la joojiyo shuruud la’aan, Sidaasi darteed waxaan dadka walaalaha ah ee Colaadu dhexmartay ugu baaqayna in la is xakameeyo oo nabadda laga wada shaqeeyo.” Warsaxaafadeedka ka soo baxay maamulka Puntland kaas oo lagu baaxiyey barta warfaafinta ee madaxtooyada ayaa lagu yiri.
Puntland ayaa sheegtay in ay in Wafdi ka socdo Golahasha deegaanka maamulkaas ay dirtay si ay waan waan iyo wadahadal u dhex dhigaan maleeshiyaadka ku dagaallamaya gobolka Mudug, kuwaa soo ka soo kala jeeda Puntland iyo Galmudug. Wafdiga ka shaqeynaya joojinta cooladda waxaa qeyb ka ah maamulka Galmudug oo dhankooda ku howlan arrintaas.
Baaqaan ayaa imaanaya, iyada oo dagaal culus maalmihii la soo dhaafay uu ka socday galbeedka gobolka Mudug kaasoo dhexeeya beelaha Sacad iyo Leylakase ee wada daga gobolkaas.
HBN NEWS DESK