Maxkamadda Gobolka Galgaduud ayaa maanta ku dhawaaqday xukuno dil iyo xabsi ah oo la xiriira kiiskii dilka Marxuum Mudalib Nuur Xasan (AUN), kaasi oo ka dhacay deegaan hoos taga degmada Balanbal ee gobolka Galgaduud.
Galad Xuseen Xaashi oo 32 jir ah ayaa maxkamaddu ku xukuntay dil-toogasho, kadib markii lagu helay dambiga dilka Marxuumka. Waxay ku xukuntay sidoo kale, inuu bixiyo magdhowga dhaawac soo gaaray nin falkaasi ku dhaawacmay iyo burburka gaariga marxuumka.
Sidoo kale, shaqsiyaad kale oo gaaraya 5 eedeysane ayaa isla kiiskan maxkamaddu ku riday seddex sano oo xabsi ah, iyaga oo lagu helay ku lug lahaanshaha falkaas.
Xubnaha la xumay ayaa kala Axmed Xuseen Xaashi, Galad Maxamed Xasan, Sayid Cali Kaariye, Suldaan Cabdi Cali iyo Xareed Cali Daahir, kuwaa oo goobta falka uu ka dhacay kula sugnaa Galad.
Xukunka maanta ka soo baxay Maxkamadda Gobolka Galgaduud wuxuu ku soo aadayaa, laba todobad kadib markii ay xukun dil oo lagu qisaasay Cabdifitaax Cali Xasan Diiriye, kaasi oo loo haystay dil uu 16-kii bishaan ugu geystay degmada Guriceel Marxuum Deeq Cabdi Jaamac.
Hbn Online Tv