Manchester City ayaa isku aaday Copenhagen wareega 16-ka ee Champions League, halka Arsenal ay la kulmi doonto kooxda reer Portugal ee Porto.
Kooxda heysata horyaalka ayaa ka soo gudubtay Group G iyagoo leh rikoor fiican oo 18 dhibcood ah lix kulan oo ay ciyaareen.
Copenhagen ayaa kaalinta labaad kaga soo baxday Galatasaray iyo Manchester United waxayna lugta hore marti galin doontaa Man City ka hor inta ayna u safrin Etihad usbuuc ka dib bisha February.
Man City ayaa ka mid ahayd labada kooxood ee Ingiriiska ah ee u soo gudbay wareegga 16-ka, iyadoo Arsenal ay noqotay kooxdii labaad ee lagu reebay barbarihii isniintii, waxayna Gunners wajihi doontaa Porto lugta hore ee isreeb-reebka Yurub muddo 7 sano ah. .
Wiilasha Mikel Arteta ayaa Group A ku garaacay Lens, PSV Eindhoven iyo Sevilla iyagoo 13 dhibcood ka helay 18 dhibcood oo suurtogal ah, halka Porto ay kaalinta kowaad ee Group H ku lumisay Barcelona.
HBN SPORTS DESK