Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo ayaa xalay gaaray magaalada Kampala ee dalka Uganda, halkaasoo uu kaga qeyb galayo labo shir oo muhiim ah.
Shirka oo ah shir aan caadi ahayn oo ay isugu imaanayaan urur goboleedka IGAD, oo ah urur ganacsi oo ka kooban sideed wadan oo ku yaala Geeska Afrika, Shirkan ayaa la filayaa in lagaga wadahadlo xaaladihii u dambeeyay ee xiriirkaa Itoobiya iyo Soomaaliya, kaas oo xumaaday heshiiskii muranka badan dhaliyay ee Itoobiya la gashay Somaliland.
Shir madaxeedka IGAD ayaa la filayaa in lagu dhex dhexaadiyo labada dal, isla markaana xal nabadeed lagu dhameeyo khilaafka ka dhex aloosan dalalka gobolka, isla markaana soo jeediyay indhaha beesha caalamka. Shir madaxeedkan ayaa sidoo kale looga hadlayaa arrimo kale oo khuseeya danaha guud, sida ganacsiga, kaabayaasha dhaqaalaha, isbeddelka cimilada iyo nabadda iyo amniga.
Kulanka ayaa diiradda lagu saari doonaa doorka dhex-dhexaadnimada iyo kuwa aan saaxiibka ahayn ee ku aaddan horumarinta wadahadalka, iskaashiga iyo nabadda adduunka.
Itoobiya ayaa sheegtay in aysan ka qeybgeli doonin shirkaan, kaddib warqad ay u dirtay madaxda IGAD, isla markaana ka dhawaajisay in ay mashquul ku tahay arrimo kale, balse IGAD ayaa ku adkeysaneysa in shirkaan la qabto.
Madaxweynaha ayaa waxaa ku weheliya wafdi heer sare ah oo isugu jira wasiirro, diblomaasiyiin iyo la-taliyeyaal. Sidoo kale waxaa la filayaa in uu kulamo laba geesood ah la yeesho dhigiisa dalka Uganda iyo wadamada kale. Wuxuu kaloo la kulmi doonaa wakiillada Qaramada Midoobay, Midowga Afrika iyo ururrada kale ee gobolka iyo kuwa caalamiga ah, oo shirkaan lagu casuumay.Ma
HBN NEWS DESK