Ciidanka Booliska maamulka Waqooyi Bari ayaa hawlgallo amni oo xuduudka ay la wadaagto Dawlad Deegaanka ku qabtay laba nin oo lagu soo eedeeyay in ay wadeen maandooriye nooca khamriga ah.
Labada eedeysane ayaa lagu kala magacaabaa Axmed Jaamac Shire iyo Sugule Qowdhan Cabdi, iyagoo waday 10 kartoon oo khamri ah, sida ay xaqiijiyeen saraakiisha booliska.
Sidoo kale, Eedeysanayaasha ayaa laga soo qabtay degaanka xuduudka, waxaana loo soo gudbiyay magaalada Laascaanood, halkaas oo lagu xiray si loo horgeeyo hay’adaha garsoorka si sharciga loogu waafajiyo, sida uu baahiyey Tv-ga maamulka.
Ciidanka Waqooyi Bari ayaa fariin adag u diray bulshada, iyagoo xasuusiyay in gacanta sharciga aan laga baxsan karin, isla markaana ka digay in la isku dayo falal wax u dhimaya amniga iyo anshaxa bulshada.
Hbn Online Tv