La-taliyaha Amniga Qaranka ee Madaxweynaha Soomaaliya, Xuseen Macallin ayaa kulan xasaasi ah la yeeshay Safiirka Turkiga ee Soomaaliya Alper Aktaş. Waxa ay ka wada hadleen muhiimadaha istaraatiijiyadeed ee dowladda Soomaaliya ay siineyso amniga qaranka iyo taageerada dhinacyada badan leh ee Turkiga uu siiyo Soomaaliya.
Dowladda Turkiga ayaa aad ugu dhow dowladda Soomaaliya. Waxay dhistay dugsiyo, isbitaallo iyo kaabayaasha dhaqaalaha, waxayna Soomaaliya siisay deeq waxbarasho oo ay wax ku bartaan Turkiga.
Turkiga ayaa sidoo kale saldhig milatari ku leh magaalada Muqdisho, waxaana uu tababaro siiya militariga iyo booliiska Soomaaliya.Soomaaliya waxa ay sidoo kale la sameysatay iskaashi dhanka difaaca iyo dhaqaalaha ah dowladda Turkiga.
Turkigu waxa uu ka mid ahaa dalal badan oo Itoobiya ku canaantay ka dib markii ay heshiis la saxeexdeen Somaliland. Turkiga ayaa ugu baaqay Itoobiya inay ixtiraamto shuruucda caalamiga ah iyo xeerarka caalamiga ah, waxayna dib u xaqiijisey inay ka go’an tahay midnimada, madaxbannaanida iyo midnimada dhuleed ee dowladda federaalka ah ee Soomaaliya.
HBN NEWS DESK