Dhowr hooybiyaal oo maanta lagu garaacay xaafado ka mid ah degmooyinka Boondheere iyo War-dhiigley oo ay ku taalo Madaxtooyada Soomaaliya ayaa waxaa ka dhashay khasaare soo dad rayid ah.
Inta la xaqiijiyey Sedex qof oo shacab ah ayaa ku dhaawacmay Hoobiyaasha maanta ku dhacay Xaafada Busleey ee degmada Boondheere & Barxada degmada Warta-Nabada, kuwaa oo kala ah 2 rag ah iyo Haweeney.
Dad goobjoogayaal ah oo warbaahinta dhacdaan wax ka weydiisay ayaa sheegay inay xaqiijin karaan in falkaan oo dhacay subaxnimadii hore ee saaka inay arkeen tiro hoobiyaal ah oo waxyeelo soo gaarsiiyey Macalin dugsi, nin Kawaanle ah & qof dumar oo aagga maraysay.
Waa falkii 2-aad, Hoobiyaal waxyeelo soo gaarsiiya dad rayid ah oo 20 cisho gudahood Muqdisho ka dhaca, ka dib markii 19-kii bishii hore ee Maarso tiro hoobyaal lagu garaacay xarunta sida weyn loo ilaaliyo amnigeeda ee Xalane oo ku taala xeyndaabka garoonka diyaaradaha Aadan Cadde.
HBN ONLINE TV