Tirada dadka ku barakacay iskahorimaadyada hubaysan ee dhulka miyiga ah ee waqooyiga Itoobiya ayaa kor u dhaafay 50,000 tan iyo 13-kii Abriil, sida laga soo xigtay maamulka maxalliga ah, Xafiiska Qaramada Midoobay ee Xiriirinta Arrimaha Bani’aadamnimada (Ocha).
Warbixin xaaladeed oo la sii daayay Isniintii, UN-Ocha ayaa shaaca ka qaaday in inta badan dadka barokacay oo u badan haween, carruur, iyo waayeel – ay weli magangalyo u raadsanayaan magaalooyinka Kobo iyo Sekota ee gobolka Axmaarada.
Xaaladda bini’aadantinimo ayaa aad u xun, iyadoo kumanaan haween iyo carruur ah ay u baahan yihiin taageero bini’aadantinimo oo ballaaran si ay u noolaadaan.
Dowladda iyo hay’adaha samafalka ayaa bilaabay bixinta adeegyada cuntada iyo caafimaadka, kuwaas oo aan weli ku filneyn kheyraadka oo xadidan awgeed.
13-kii iyo 14-kii Abriil, iska-horimaadyo hubeysan ayaa ka dhacay magaalada Alamata ee Waqooyiga Itoobiya. Khasaaraha aan la cayimin ayaa la soo sheegay, iyadoo dad badan oo rayid ah la sheegay inay u qaxeen Kobo iyo Sekota oo dariska la ah, UN Ocha ayaa warbixin hore ku sheegtay.
HBN NEWS DESK