Ciidamada dib u xoreeynta Deeganka ee Macawisleyda oo howlgal qorsheysan ka fuliyey inta u dhaxeeysa Deeganada Qorya-wayn iyo Hulcaduur oo Hoostaga degmada Ceeldheer ee gobolka Galgaduud ayaa sheegay in ay soo qabteen Horjooge ka tirsanaa Kooxda Alshsbaab oo ku dhuumaaleeysanaayay deegaano hoostago degmadaasi.
Ninkaan howlgalka gaarka ah lagu qaabtay ayaa la sheegay in uu mudo dhowr sano ah ka tirsanaa Kooxda, waxaana uu uga biiray deegano dhaca gobolka Bakool, magaciisuna uu yahay Cabdi Maxamed Cumar.
Maxamed Khaliif oo ka mid ah Saraakiisha Ciidamada Deeganka ayaa sheegay in gacanta ay ku soo dhigeen ninkaan baxsad ah, ka dib markii la helay xogtiisa.
Maanta, Howlgal gaar oo Ciidamada Dowladda ay ka fuliyeen gobolka Galgaduud ayaa lagu sheegay in ay fashiliyeen Miinooyin Alshabaab ku aaseen wadada isku xirta deegaanada Mesagawaay iyo Baaraag Sheekh Caamir ee gobolkaasi.
HBN ONLINE TV