Warbaahinta dowladda Kuuriyada Waqooyi ayaa maanta sheegtay in hoggaamiyaha dalkaas, Kim Jong Un, uu tijaabiyay qori-dheer oo casri ah xilli uu kormeerayay ciidammada gaarka ah ee tababarkoodu sare u qaadaya “ isla markaana xoojinaya awoodda dagaalka dhabta ah si guul loo gaaro.”
Sawirro ay daabacday warbaahinta dowladda ayaa muujinayay Kim oo liishaanka saaraya toobiyaha qori-dheer ah oo Wakaaladda Wararka KCNA ay sheegtay in “si casri ah loo naqshadeeyay.”
Kim ayaa kormeeray “layli rasaas-furid ah oo lagu adeegsaday qoryaha otomaatiga ah iyo qoryaha-toogashada fog” waxaana warbixinta lagu sheegay in kaddib markii uu isagu tijaabiyay qoriga, uu muujiyay qanacsanaan weyn oo ku aaddan waxqabadka iyo awoodda “qori si gaar ah Kuuriyada Waqooyi u farsameysatay.”
Booqashada hoggaamiyaha Kuuriyada Waqooyi ee ciidammada gaarka ah ayaa ku soo beegantay iyadoo xiisadda Gacanka Kuuriyada cirka ku shareeran tahay, isla markaana hadalo kulul iyo hanjabaadyo ay iswaydaarsanayaan labada Kuuriyada oo colaad & nabad midna aan ahayn, maadaama dagaalkii 50-meeyadii dhexmaray labada dhinac aanu ku dhammaan heshiis rasmi ah oo xabad joojin ah, waxaana khubarada dagaalka ay ku sifeyeen xaaladan in lababada Kuuriyada farsamo ahaan ay dagaal ku jiraan.
Madaxweynaha Mareykanka Donald Trump, oo saddex jeer la kulmay Kim intii uu xukunka hayay, ayaa toddobaadkan sheegay inuu “la xiriirayo” Kim, ayna jiraan qorshayaal uu doonayo “in uu wax qabsado goor dhaw,” sida laga soo xigtay wakaaladda wararka Yonhap ee Seoul.
HBN ONLINE TV