Dowladda Federaalka Soomaaliya DFS ayaa sheegtay in laba horjooge oo ka tirsan kooxda Alshabaab lagu dilay howlgal qorsheysan oo ay fuliyeen ciidamada deegaanka ee Macawiisleyda, kaasoo ka dhacay deegaanka Guullane ee gobolka Shabeellaha Dhexe, ka dib markii si gaar ah loo bartilmamadeesaday.
Horjoogayaasha la dilay ayaa lagu magacaabaa Cali Xabad iyo Maxamed Caddow, kuwaas oo sida ay sheegeen ilo amni door weyn ku lahaa abaabulka iyo hagidda weerarada lagu sifeeyey argagixisanimo ee ka dhacayey gobolkaas.
Intii uu howlgalka socday, ciidamada deegaanka waxay sidoo kale dileen tiro kale oo ka tirsan maleeshiyaadkii la socday horjoogayaasha, halka qaar kale ay u fakadeen sida hadalka loo dhigay si fara-maran. Waxaa intaa dheer, ciidamada ayaa gacanta ku dhigay hub ay wateen Alshabaab. Howlgalka ayaa lagu tilmaamay mid guul ah, wuxuuna qeyb ka yahay dedaallada joogtada ah ee lagu xasillinayo deegaannada iyo dagaallada ka dhanka ah Alshabaab.
Wasaaradda Warfaafinta ee Dowladda Federaalka ayaa ammaan u jeedisay ciidamada deegaanka ee Macawiisleyda, kuwaasoo ay ku sifeeyeen geesiyaal dhab ah oo muujiyay feejignaan, waddaniyad iyo go’aan adag oo lagu difaacayo dalkooda hooyo.
Dowladda ayaa balanqaaday in howlgalada nuucan oo kale ah ay sii socon doonaan, ilaa dalka laga ciribtiro kooxaha argagixisada ah ee carqaladeynaaya sida hadalka loo dhigay horumarka, amniga iyo dowladnimada Soomaaliyeed.
HBN ONLINE TV