Waxaan weli xal laga gaarin dagaal beeleedyo maalmihii la soo dhaafay ka dhacayay gobolka Doollo ee dowlad deegaanka Soomaalida, kuwaas oo ay ku dhinteen dad ka badan toban qof, tiro intaa ka badnna ay ku dhaawacantay sida aan ka helnay xogtaan dad goobjoogayaal ah.
Isku dhacyadaan oo ka taagan deegaanka Caado ee gobolka Doollo ayaa xogta aan helayno waxay sheegaysaa in labada beelood ee walaalaha ah ay isku hayaan dhul gaar ahaan aag laga qadayey baraago.
Waxaa socda waan-waan iyo isku dayo kala duwan oo ka imaanaya maamulka dowlad deegaanka iyo madax dhaqameedka gobolka oo lagu daminayo colaadda halkaa ka taagan sida uu u sheegay mid ka mid ah nabadoonnada deegaanka warbahinta reer galbeedka.
Dadka falanqeeya arimaha deegaanka ayaa qaba, in Inkasta oo dadaalladas nabdeed ay socdaan, haddana weli ay taagan tahay xiisadii ka jirtay goobihii lagu dagaallamay, taasoo abuuraysa cabsi ah in mar kale dagaal dhici karo.
HBN ONLINE TV