Faahfaahinno dheeraad ah ayaa ka soo baxaya dagaal u dhaxeeyo laba Maleeshiyo beeleed oo ka socdo inta dhaxeysa deegaannada Jiicboor iyo Saax quran ee galbeedka gobolka Mudug.
Dagaalka oo la sheeegay inuu salka ku hayo aano qabiil ayaa ilo dhanka deegaanka ah soo wariyaan in weli la maqlayo rasaasta ay dhinacyada is weedaarsanayaan.
Waxaa jira khasaare isugu jira dhimasho iyo dhaawac oo ka dhashay dagaalka, inkasta aan weli laheyn xogta tirada rasmiga ah.
Sidoo kale, Waxaa soconaya baaqyo iyo dadaallo la doonayo in nabad lagu kala dhex dhigo beelaha ku dagaalamaya galbeedka Gobolka Mudug.
Maamulada Galmudug iyo Puntland weli kama hadlin dagaallada deegaannadan ka socda, wallow horay dhinacyadu go’aanno adag u soo saareen, ayna muuqato in hadda xaaladu faraha ka baxday.
Dagaal beeleedyada ayaa ku soo laab laabtay deegaannada gobollada Dhexe gaar ahaan labadan aag, waxaana jira kulamo nabadeed oo lagu xalliyay colaad hore halkaasi uga taagna.
Isha ku haay HBN ONLINE TV