Wararka ka imaanaya gobolka Galgaduud ayaa sheegaya in inta u dhaxeysa magaaloyinka Cadaado iyo Godinlabe xalay maleeshiyaad hubeysan ay ku dileen nin iyo Xaaskiisa, iyadoo kooxda dilka gaystay ay ugu so galeen hoygooda.
Marxuumka la dilay oo magaciisa lagu sheegay Cilmi Cumar iyo Xaaskiisa ayaa maleeshiyadu markii ay dilka gaysteen waxay ka baxsadeen goobta, iyada oo ilo deegaanka ah ay la tilmaameen in ay u baxsadeen dhanka magaalada Dhuusanareeb ee Caasimadda maamulka Galmudug.
Dilkaan Xalay loo geystay qoyskan oo lagu tilmaamay mid argagax galiyey dadka deegaanka ayaa la soo wariyey in uu la xariiro aargoosi aano qabiil ah, waxaana wararku intaasi ku darayaan in dableyda dilka geysatay ay sida oo kale dab qabadsiiyeen guriga ay ku dileen marxuumka iyo marwadiisa.
Dilalka anoo qabaa’il ee deegaannada Galmudug iyo Puntland oo noqday kuwa faraha ka baxay sida ay sheegayaan masuulitiin iyo waxgaradka labada maamul, ayaa bilihii ugu dambeyey si goos goos ah ugu socday halkaasi, iyada oo dad badan ku dhinteen oo ah rayid, halka dhinacyada dagaalamay sida la soo tabiyey ay isku adeegsadeen xub culus.
Maamulka Galmudug wali wax war ah kama soo bixin oo ku aadan dagaal beeleeyada ka soo socda gobolka Galgaduud iyo qaybo ka mid ah Mudug.
HBN ONLINE TV