Daafaca Manchester United Tyrell Malacia ayaa lagu soo waramayaa in aan la heli karin ilaa haatan xilli ciyaareedkan sababo la xiriira qaliin jilibka ah oo dhacay xagaagii.
Jahwareer ayaa ka dhashay maqnaanshiyaha xiddigaan, iyadoo Red Devils aysan sheegin sababta rasmiga ah ee uu u heli waayay bilihii furitaanka ee ololaha 2023-24.
Malacia ayaa seegay dhamaan ololihii isku diyaarinta xilli ciyaareedka cusub ee Man United, iyadoo kulankiisii ugu dambeeyay ee heerka kooxeed uu ahaa kulankii Premier League ee Fulham 28kii May
Ciyaaryahanka heerka caalami ee dalka Holland ayaa dhameystiray 90-kii daqiiqo ee ciyaarta horyaalka ee ay la ciyaareen kooxda Cottagers, waxaana uu markaas bedel aan la isticmaalin ku soo galay finalka FA Cup ee ay la ciyaareen Manchester City.
Malacia ayaa loo maleeyay inuu ka cabanayay nooc ka mid ah dhibaato muruqa ah, laakiin sida laga soo xigtay Manchester Evening News, wuxuu ka soo kabsaday qaliin jilibka ah.
arbixinta ayaa sheegeysa in ciyaaryahanka reer Holland uu dhaawac soo gaaray xilli ciyaareedkii hore, Man United ayaana markii hore ku rajo weyneyd in ay heli doonto.
Malacia ayaa ku lug lahaa ololihii xulkiisa ee UEFA Nations League bartamihii bishii June, laakiin ma uusan ciyaarin bilowgii tababarka Man United ee isku diyaarinta xilli ciyaareedka cusub.
HBN SPORTS DESK