Ciidanka Kumaandooska Danab ee Xoogga Dalka iyo kuwa Jubbaland ayaa sheegay maanta in guul weyn ay ka soo hooyeen howlgal ballaaran oo ka dhacay gobolka Jubbada Hoose, halkaas oo lagu beegsaday xubno ka mid ah kooxda Alshabaab.
Howlgalkan oo la carrabaabay in uu u dhacay si taxaddar leh ayaa lagu beegsaday goobo farisiin u aheyd deegaanka Qabri Shariif oo galbeed kaga beegan magaalada Kismaayo.
Ciidamadan oo si wadajir ah u howlgalayey ayaa soo bandhigay tiro xubno ah oo lagu dilay howgalka. Sidoo kale, Ciidamadu sheegeen sida aan kas oo xiganeyno warbaahinta afka Ciidamada ku hadasha oo carrabowday in xubno kale oo dhaawac ah goobta ka baxsadeen.
“Saraakiisha hoggaamineysa howlgalkan ayaa sheegay in la burburiyay goobihii ay kooxdaasi kaga dhuumaalaysanayeen deegaanka, isla markaana laga hortagay khataro ay qorsheynayeen in ay fuliyaan” ayaa lagu yiri warka raadiyadaha ciidamada.
Ciidanka Danab iyo kuwa Jubbaland ayaa maalmihii ugu dambeeyay ka waday gobolka howlgalo ka dhan ah kooxda Alshabaab, maadaama ay Jubbooyinka ay ku leedahay fariisimaheeda ugu waa weyn.
HBN ONLINE TV