Dhacdadaan naxdinta leh ee ka dhacday magaalada ayaa la sheegay in maamulka degmada Deyniile ee magaalada Muqdisho ay ku xireen Maxamed Xasan Cali Dhiblaawe oo ahaa wiil dhalinyaro ah, kadib markii lagu eedeeyay inuu dilay Hooyadii oo lagu magacaabi jiray Muraayo Muxamed Siyaad iyo Abtigiis Yuusuf Muxumud Siyaad.
Ilaa iyo hada lama oga sababta ka danbeysa faldambiyeedkan,balse waxaa la xaqiijiyay in Eedeysanaha uu u adeegsaday Toorey. Taliska qeybta guud ee gobolka Banaadir ayaa soo saaray qoraal muujinaya in la qiimeynayo xaaladda caafimaad ee eedeysanaha, si loo ogaado sababta ka dambeysay falkaasi.
Dhacdadan foosha xun ayaa walaac iyo dood ku abuurtay shacabka ku dhaqan magaalada Muqdisho iyo guud ahaan gobolada dalka, iyadoo dad weynuhu ay la daalaa dhacayaan fal-dambiyeedyada nuucaan oo kale ah.
Waxaa aad loo adkeeyay baahida loo qabo in baaritaan dhab ah lagu sameeyo xaaladaha ku xeeran dilka, iyadoo rajo laga qabo in cadaaladda la horkeeno kiiskaan oo faah faahsan.
HBN NEWS DESK