Maxkamadda Gobolka Galguduud ee magaalada Dhuusamareeb ee xarunta Maamulka Galmudug ayaa maanta xukun dil ah ku fulisay saddex nin oo lagu helay inay dileen 2 nin oo walaalo ahaa oo kala ahaa macalin iyo Dhakhtar, dilkaasi oo ka dhacay deegaanka Ilix oo hoos taga degmada Guri Ceel ee Gobolka Galgaduud bishii December 2023.
Toogashada ayaa lagu fuliyay Nuur Cabdi Maxamed oo 21 sano jir ah, Shuceyb Maxamed Faarax Aadan oo 19 jir ah , iyo Bile Cabdullahi Xasan 20 sano jir ah, kuwaa oo hore u dilay Dr Axmed Xasan Cismaan iyo Macallin Axmed Xasan Cismaan oo ahaa walaalo.
Xeer ilaalliyaha guud ee Dawlad Goboleedka Galmudug Cabdicasiis Nuur Xuseen oo xukunka qisaasta ah goobtii toogashadu ka dhacday ka akhriyay ayaa sheegay in Maxkamadda Galguduud & Maxkamadda Racfaanku ay isku raaceen xukunka toogashada maadaama gacan ku dhiiglayaasha lagu helay caddeymihii ka dib dhageysi maxkamadeed oo soo socday muddooyinkii la soo dhaafay.
Warqabadka HBN Online TV