Gabdhaha Xulka Qaranka Soomaaliya ee da’doodu ka hooseyso 17-jirada ayaa guul taariikhi ah ka gaaray dhiggooda dalka Sudan, kadib markii ay 8-2 ku garaaceen kulan ka tirsanaa tartanka Bariga iyo Bartamaha Afrika CECAFA ee ka socda magaalada Dar es Salaam ee wadanka Tanzania.
Guushan ayaa Dowladda Soomaaliya sheegtay in bog cusub ay u furtay taariikhda kubadda cagta haweenka Soomaaliya, maadaama ay tahay markii ugu horreysay ee xul qaran oo gabdho ah ay guul ka gaaraan tartan kubadda cagta ah.
Inkasta oo Ocean Queens ay ka hareen tartanka, kadib guuldarrooyin ay kala kulmeen xulalka Tanzania iyo Kenya oo ay ku wada jireen Group A, haddana ciyaartoydu waxay soo bandhigeen dadaal, karti iyo isku-duubni aad loogu amaanay.
Ka qeybgalka tartankan ma ahayn oo keliya tartan ciyaareed, balse wuxuu astaan u yahay horumarka kubadda cagta haweenka Soomaaliya, isagoo muujinaya adkaysi, rajo iyo dadaal dheer oo looga soo gudbay caqabado badan.
Najma Maxamed ayaa ka dhalisay saddexleey ciyaarta ka dhacday garoonka KMC Stadium ee Dar es Salaam, Tanzania, iyada oo tani lagu fasiray in nSoomaaliya qortay Taariikh.
HBN ONLINE TV