Shirka amniga maamulka Gobolka Hiiraan ayaa laga soo saaray awaamiir adag oo lagu xakameynayo hubka ee magaalada Beledweyne, waxaana ka soo qayb galay hay’addaha amniga.
Kulanka oo uu goobjoog ka ahaa mamaulka gobolka Hiiraan ayaa waxaa laga soo saaray qodobo adag oo ka dhan ah Hubka sharci-darrada ah, maandooriyaha oo la tilmaamay inuu ka soo galo xadka Itoobiya iyo falalka kale ee lid-digga ku ahaa sida Indha-shareerka.
Inta uu shirka socday ayaa la tilmaamay in laga soo saaray arintaan loo xil-saaray Ciidamado gaar ah oo laga soo kala xulay Ciidamada Booliska, Militeriga iyo Nabad-Sugidda, sida uu warbaahinta u akhriyey Ku xigeenka Xeer-ilaaliyaha Guud ee Maxkamadda ee gobolka Taliye Carab Yuusuf Nuur.
Guddoomiyaha gobolka Hiiraan Muuse Salaad Wehliye iyo mas’uuliyiinta amniga ayaa ku baaqay in shacabka magaalada ay u hoggaansamaan awaamiirta cusub si loo sugo xasiloonida iyo ammaanka guud ee degmada.
HBN ONLINE TV