Ciyaaryahanka khadka dhexe ee Manchester United Donny van de Beek ayaa amaah ugu biiray Eintracht Frankfurt inta ka dhiman xilli ciyaareedka 2023-24.
Xiddiga reer Holland ayaa ugu yaraan lixda bilood ee soo socda la joogi doona kooxda ka dhisan Bundesliga, taas oo lagu wado in ay bixiyaan lacag amaah ah oo aan la shaacin halka ay sidoo kale ka baxayaan qayb badan oo ka mid ah mushaharka.
Frankfurt ayaa sidoo kale la sheegay inay haysato ikhtiyaarka ah inay si joogto ah ula saxiixato Van de Beek dhamaadka xilli ciyaareedka 11 milyan euro (£ 9.6m), taasoo kor u qaadi karta € 14m (£ 12.2m) oo ay la socoto wax qabadka la xiriira xiddigaan.
Van de Beek ayaa laga yaabaa inuu kulankiisii ugu horeysay u safto Frankfurt marka ay ku soo laabtaan ciyaaraha Bundesliga ee ay wajahayaan RB Leipzig 13ka Janaayo, waxaana uu yimid iyadoo Die Adler uu fadhiyo kaalinta lixaad ee kala sarreynta horyaalka Jarmalka.
26 jirkaan ayaa u soo baxay ciyaaryahan khadka dhexe ah oo si heer sare ah loo qiimeeyo waqtigiisii Ajax ee Erik ten Hag, isagoo Man United ugu biiray €44m (£ 38.3m) xagaagii 2020, laakiin wuxuu ku guuldareystay inuu soo bandhigo ciyaarihii laga sugayay.
HBN NEWS DESK