Manchester City ayaa lagu soo waramayaa inay ka fiirsaneyso inay u dhaqaaqdo labada ciyaaryahan ee Bayern Munich Joshua Kimmich iyo RB Leipzig ee Dani Olmo inta lagu guda jiro suuqa kala iibsiga xagaagan.
Kimmich ayaa qarka u saaran inuu ka tago Bayern xagaagan isagoo raadinaya tartan cusub, kooxo dhowr ah ayaa la rumeysan yahay inay xiiseynayaan xiddiga heerka caalami ee dalka Jarmalka.
Real Madrid, Barcelona, Manchester United, Arsenal iyo Liverpool ayaa dhamaantood la sheegay inay xiiseynayaan 29 jirkaan, kaasoo kaliya qandaraas kula jira Allianz Arena ilaa June 2025.
Si kastaba ha ahaatee, sida laga soo xigtay The Sun, waxaa sidoo kale jira xiisaha Man City, Kimmich wuxuu u furan yahay inuu dib ula midoobo Pep Guardiola, ka dib markii uu ka hoos ciyaaray tababaraha Citizens ee Bayern.
Warbixinta ayaa sheegeysa in Bayern ay ku dalban doonto ku dhawaad 40 milyan ginni Kimmich, kaasoo doonaya inuu khadka dhexe uga ciyaaro kooxdiisa soo socota bedelkii uu ka ciyaari lahaa daafaca midig.
HBN SPORTS DESK