Tottenham Hotspur ayaa lagu soo waramayaa inay isha ku heyso horumarka goolhayaha Southampton Gavin Bazunu. Intii lagu guda jiray xagaaga, tababaraha Spurs Ange Postecoglou ayaa qaatay go’aanka uu ku bedelay Guglielmo Vicario, isagoo ka dhigay tababaraha 1-aad, kaas oo booska kala baxay Hugo Lloris.
Inkasta oo uu Vicario qaab ciyaareed cajiib ah ku soo bandhigay garoonka Tottenham Hotspur Stadium, haddana waxa jira hubanti la’aan ku saabsan mustaqbalkiisa, iyada oo lqa doonayo goolhaye tartan furan la gallo, waxana loo arkaa goolhayaha Southampton Gavin Bazunu.
Sida laga soo xigtay Football Insider, Spurs waxay ku amartay indha-indheeyeyaal inay la socdaan horumarka Bazunu bilihii la soo dhaafay.
21-sano jirkaan ayaa haatan ku jira xilli ciyaareedkiisii labaad ee Southampton tan iyo markii uu 12 milyan ginni uga soo wareegay Manchester City isagoo aan wax kulan ah u ciyaarin kooxaha waaweyn ee Premier League.
Inkastoo Saints ay ka hartay heerka koowaad ee horyaalka 2022-23, Bazunu ayaa ku farxi doona waqtigiisa caadiga ah, isagoo horey u saftay 54 kulan tartamada oo dhan.
Intaa waxaa dheer, Bazunu ayaa sidoo kale ah dooqa koowaad ee Republic of Ireland, isagoo wadar ahaan u saftay 21 kulan wuxuuna booskiisa ka hor maray ku xigeenka Liverpool Caoimhin Kelleher.
HBN SPORTS DESK