Borussia Dortmund ayaa lagu soo waramayaa inay u aqoonsatay Sergio Reguilon inuu u dhaqaaqi karo bisha Janaayo iyadoo la soo jeedinayo in amaahdiisa Manchester United meesha laga saari doono, haddii dhinacyada ay ku hishiiyaan.
Dhaawacyo soo gaaray Tyrell Malacia iyo Luke Shaw ayaa horseeday in Man United ay Reguilon amaah ugala soo wareegto Tottenham Hotspur heerarkii xiritaanka suuqa kala iibsiga xagaagan.
26-sano jirkaan ayaa 10 kulan u saftay Red Devils xilli ciyaareedkan, oo ay ku jiraan 7 kulan oo Premier League ah, waxaana uu 90-kii daqiiqo ee ciyaarta ciyaaray kulankii horyaalka ee ay la ciyaareen Bournemouth isbuucii hore.
Si kastaba ha ahaatee, waxaa jira heshiis lagu burburin karo Reguilon, taasoo la micno ah inuu ku laaban karo kooxda Tottenham bisha Janaayo.
Malacia ayaa la filayaa inuu soo laabto horraanta 2024, taasoo laga yaabo inay ku riixdo Reguilon heerka ugu sarreeya, Dortmund ayaa la sheegay inay si dhow isha ugu hayso xaaladda.
Sida laga soo xigtay Sky Deutschland, BVB waxay dooneysaa in ay ka ciyaaraan daafaca bidix bisha Janaayo, iyadoo Ramy Bensebaini uu qarka u saaran yahay inuu u matalo Albania Koobka Qaramada Afrika.
HBN SPORTS DESK