Bruno Guimaraes ayaa sheegay inuu qorsheynayo inuu sii joogo Newcastle United ka dib markii uu 100 kulan u saftay Magpies galabnimadii sabtida.
Ciyaaryahanka heerka caalami ee dalka Brazil ayaa saftay kulankiisii 100-aad ee u safashada kooxda isagoo dhaliyay gool, iyadoo kooxda Eddie Howe ay 1-0 kaga badisay Fulham tartankii Premier League ee ka dhacay Craven Cottage.
Waxaa weli socda hadal heynta ku saabsan mustaqbalka ciyaaryahanka khadka dhexe, iyadoo Manchester City, Manchester United iyo Barcelona seddex ka mid ah kooxaha la sheegay inay si dhow isha ugu hayaan xaaladiisa St James Park.
Tababaraha kooxda Newcastle Howe ayaa qirtay inuusan sameyn karin wax “dammaanad ah” mustaqbalka Guimaraes markii wax laga weydiiyay mustaqbalka 26-jirka.
Sababtoo ah Shuruucda Faa’iidada iyo Joogteynta ee Premier League, Magpies ayaa lagu qasbi doonaa go’aamo adag xagaagan, iyadoo Guimaraes loo maleynayo inuu yahay mid ka mid ah kuwa la iibin karo, laakiin xiddiga Koonfurta Ameerika ayaa muujiyay rabitaan ah inuu kooxda sii joogo muddo dheer ku salaysan.
HBN SPORTS DESK