Manchester City ayaa laga yaabaa inay gasho suuqa kala iibsiga bisha Janaayo si ay u shaqaaleysiiso weeraryahan cusub haddii dhaawaca cagta ee Erling Haaland uu sii xumaado, sida lagu sheegay warbixin.
Haaland ayaa lagu qasbay inuu seego kulankii ay City 2-1 kaga badisay Luton Town ee Premier League isbuucii hore, iyadoo tababare Pep Guardiola uu sheegay ka hor inta uusan bilaaban ciyaarta in maqnaanshaha weeraryahanka ay sabab u tahay “falcelinta walaaca lafaha” ee cagtiisa.
Guardiola ayaa ciyaarta ka dib ku adkaystay in Norwegian-ka aanu jab ka soo gaarin cagtiisa, balse uu u baahan yahay in la qiimeeyo, Haaland ayaa la filayaa inuu seego kulanka Champions League ee City ay la ciyaarayso Red Star Belgrade Arbacada, laakiin Guardiola ayaa ku rajo weyn in weeraryahanka uu ku soo laaban karo waqtiga semi-finalka ee Saudi Arabia 19ka Diseembar.
Si kastaba ha ahaatee, haddii Man City ay ogaato in dhaawaca Haaland uu ka xun yahay sidii markii hore laga cabsaday, Football Insider ayaa ku warameysa in kooxda ku guuleysatay seddexda koob ay tixgelin doonaan inay la soo saxiixdaan weeraryahan cusub bisha Janaayo.
HBN SPORTS DESK