Real Madrid ayaa sida muuqata liiska saddexda goolhaye ee suurtogalka ah ku soo xushay haddii ay ku guul darraystaan inay amaahda Kepa Arrizabalaga ka dhigaan Chelsea mid joogto ah xagaaga dambe.
Wiilasha Carlo Ancelotti ayaa lagu qasbay inay galaan suuqa kala iibsiga xagaaga ka dib dhaawac soo gaaray Thibaut Courtois, kaasoo la filayo inuu garoomada ka maqnaado inta badan xilli ciyaareedka.
Sida ku cad shuruudaha heshiiska Real ay la gashay Chelsea, heshiiska Kepa kuma jiro ikhtiyaar ama waajib ah inay iibsadaan, laakiin goolhayaha Spanish-ka ayaa la og yahay inuu doonayo joogitaanka caasimadda Spain.
Kepa lama aaminsana inuu mustaqbal ku leeyahay Chelsea, laakiin Blues ayaa wali kula jirta heshiis dhacaya 2025, taasoo la micno ah in Real ay kala xaajoon doonto qiimaha dhigooda Galbeedka London hadii ay doonayaan inay sii haystaan ciyaaryahankii hore ee Athletic Bilbao.
Sida laga soo xigtay Relevo – via Football Espana – Ancelotti wuxuu taageersan yahay fikradda heshiis joogto ah oo Kepa ah.
HBN SPORTS DESK