Manchester United ayaa lagu soo waramayaa inaysan ka fiirsan doonin dalabyada u imaanaya Marcus Rashford inta lagu guda jiro suuqa kala iibsiga xagaagan, inkastoo dhawaanahan la isla dhexmarayay weeraryahanka.
26-sano jirkaan ayaa loo gacan galiyay heshiis qaali ah oo uu ku sii joogayo Old Trafford xagaagii hore, isagoo dhaliyay 30 gool, waxaana uu diiwangeliyay 11 caawin 56 kulan oo uu saftay xilli ciyaareedkii 2022-23.
Rashford ayaa ku dhibtoonayay inuu soo bandhigo qaab ciyaareedkiisa ugu fiican Red Devils xilli ciyaareedkan, inkastoo uu kaliya 5 gool dhaliyay lixna caawiye ka ahaa 30 kulan oo tartamada oo dhan ah.
Waxaa jiray walaac ku saabsan luqadda jir ahaaneed ee xiddiga heerka caalami ee dalka England xilli ciyaareedkan, iyadoo la rumeysan yahay in lagu ganaaxay laba toddobaad mushaharkiisa bishii hore ka dib markii uu booqday goob lagu caweeyo oo ku taal Dublin laba habeen oo kala duwan, ka dibna uu xanuunsaday isagoo ku jira tababarka kooxdiisa ka hor kulanka FA Cup-ka. Degmada Newport.
Paris Saint-Germain ayaa la rumeysan yahay inay Rashford u aqoonsatay bartilmaameedkooda koowaad si ay u bedelaan Kylian Mbappe, kaasoo beeca xorta ah kaga tagi doona kooxda dhamaadka ololahan.
HBN NEWS DESK