Manchester United ayaa xaqiijisay in weeraryahankeeda Jadon Sancho uu amaah ugu biiray Borussia Dortmund inta ka dhiman xilli ciyaareedka 2023-24.
Laacibka heerka caalami ee dalka England ayaa ku soo laabanaya Signal Iduna Park labo sano iyo bar ka dib markii uu si joogta ah ugu biiray Red Devils, kaasoo 73 milyan ginni ku iibsaday adeegiisa xagaagii 2021.
“Weeraryahanka Manchester United Jadon Sancho waxa uu amaah ugu biiray kooxdiisii hore ee Borussia Dortmund ilaa dhamaadka xilli ciyaareedkan” ayaa lagu yiri warbixin ay soo saartay Red Devils. Ciyaaryahanka heerka caalami ee dalka England oo 23 kulan u saftay ayaa ka tagaya rabitaankeena wanaagsan inta ka dhiman xilli ciyaareedkan.
Sancho waxa uu ku mutaystay sumcadda mid ka mid ah weeraryahanada ugu wanaagsan Yurub waqtigiisii Germany, waxa uu u diiwaan gashaday 50 gool iyo 64 caawin 137 kulan oo uu u saftay Dortmund, isagoo kula guuleystay hal DFB-Pokal iyo hal German Super Cup.
HBN NEWS DESK