Manchester United ayaa lagu soo waramayaa inay qarka u saaran tahay inay Arsenal kula tartanto daafaca Galatasaray Sacha Boey.
Red Devils ayaa ku guuldareysatay inay xoojiso dhanka midig ee daafaceeda xagaagii, taasoo ka dhigtay Aaron Wan-Bissaka iyo Diogo Dalot inay u dagaalamaan booskooda.
Wan-Bissaka ayaa ku soo bilowday afartii kulan ee furitaanka Premier League, ka hor inta aan loo saarin guuldaradii ka soo gaartay Brighton & Hove Albion bishii September.
Sida laga soo xigtay Fotospor, Man United ayaa isha ku heysa xiddiga Galatasaray Boey, kaasoo sidoo kale diirada u saaran kooxda ay xafiiltamaan Premier League ee Arsenal.
Warbixinta ayaa sheegeysa in Red Devils ay indha-indheeyayaal u dirtay Boey si ay usoo daawadaan kulanka sabtida ee Derby Besiktas.
Boey, oo qandaraas kula jira ilaa June 2025, ayaa guud ahaan u saftay 69 kulan kooxda heysata horyaalka Turkiga, isagoo u dhaliyay seddex gool afarna caawiye ka ahaa.
HBN NEWS DESK