Ciyaaryahanka khadka dhexe ee kooxda Real Madrid Toni Kroos ayaa ku dhawaaqay inuu ka fariisan doono ciyaaraha kubada cagta ka dib markii uu xagaagan u matalay xulka Jarmalka Euro 2024.
34-sano jirkaan ayaa arki doona qandaraaska uu ku joogo Santiago Bernabeu dhamaadka bisha June, waxaana bilihii ugu dambeeyay uu ka doodayay heshiis cusub oo uu la galay Real Madrid.
Kroos, oo loo arko inuu yahay mid ka mid ah ciyaartoyda khadka dhexe ee ugu wanaagsan jiilkiisa, ayaa ciyaari doona kulankiisii ugu dambeeyay ee Real Madrid iyo Borussia Dortmund finalka Champions League ee ka dhacaya Wembley Stadium 1da June.
Laacibka khadka dhexe ayaa bogiisa Instagram-ka soo dhigay si uu u xaqiijiyo ka tagistiisa Los Blancos iyo qorshayaasha ciyaaraha isaga oo yiri: “Kadib 10 sano, dhamaadka xilli ciyaareedkan cutubkani wuu dhamaanayaa. Waligay ma ilaawi doono wakhtigaas guulaha!
“Waxaan si gaar ah ugu mahadcelinayaa cid kasta oo igu soo dhaweysay qalbi furan oo aamin ah’ ayuu sii raaciyay.
HBN SPORTS DESK