Chelsea ayaa loo maleynayaa inay qorsheyneyso inay ka badiso Manchester United tartanka loogu jiro ciyaaryahanka khadka dhexe ee Atalanta BC Teun Koopmeiners iyadoo isku diyaarineysa inay dalab u dirto xiddiga reer Holland.
Koopmeiners – oo Atalanta kaga soo biiray AZ Alkmaar 2021 – oo hore loogu yaqaanay khadka dhexe, ayaa ku soo caan baxay doorka weerarka ee Gian Piero Gasperini labadii sano ee la soo dhaafay.
26 jirkan ayaa gacan toos ah ku lahaa 17 gool 38 kulan oo uu saftay xilli ciyaareedkan – 13 ka mid ah waxa uu sameeyay 4 caawin – oo ay ku jiraan 11 gool xilli ciyaareedkii 2023-24 ee Serie A si uu ugu hoggaamiyo gool dhalinta kooxdiisa, isla markaasna uu ka fiican yahay yoolkiisa 10 ka xilli ciyaareedkii hore.
Koopmeiners ayaa sidoo kale ciyaara kulankii La Dea ay 3-0 kaga badiyeen Liverpool lugtii hore ee Europa League sideedii isbuucii hore, waxaana uu qandaraas kula jiraa Atalanta ilaa xagaaga 2027.
Si kastaba ha ahaatee, xiddiga heerka caalami ee dalka Netherlands uma badna inuu arko seddexda sano ee ugu dambeysa qandaraaskiisa, maadaama uu dhawaan xaqiijiyay inuu codsi u gudbiyay Atalanta suuqii xagaaga.
Sida laga soo xigtay Sportmediaset, Chelsea ayaa sidoo kale xiiseyneysa Koopmeiners waxayna u dirtay indha-indheeyayaal si ay usoo daawadaan ciyaartii ay Liverpool kaga badiyeen todobaadkii hore garoonka Anfield.
HBN SPORTS DESK