Bayern Munich ayaa xaqiijisay in Eric Dier uu qandaraaska u kordhiyey ilaa 2025 sababtoo ah daafaca ayaa dhowr kulan u saftay kooxda.
Ka dib markii uu ka dhacay booska Tottenham Hotspur’s Ange Postecoglou, Dier ayaa ku biiray kooxda heysata horyaalka Bundesliga heshiis amaah lix bilood ah intii lagu jiray suuqii Janaayo.
Iyadoo ciyaaryahanka heerka caalami ee dalka England uu dhacayo qandaraaska uu kula joogo Tottenham Hotspur bishii June, wuxuu ku dhameysan lahaa xilli ciyaareedka isagoo ah wakiil xor ah hadii Bayern aysan ku sii hayn garoonkeeda.
Si kastaba ha ahaatee, Bayern ayaa ogolaatay qodob ka dhigaya Dier inuu sii joogo Allianz Arena ololaha 2024-25 haddii uu ciyaaro kulamo ku filan, 30 jirkaan ayaana haatan saftay kulamo ku filan si uu u kiciyo doorashadaas.
Dier ayaa todobo kulan oo Bundesliga ah u saftay kooxda Thomas Tuchel – isagoo ku soo bilaabay shan ka mid ah wuxuuna ka caawiyay kooxda difaacanaysa inay shabaqa ilaashadaan kulankii ay 1-0 kaga badiyeen Union Berlin kulankiisii ugu horeysay.
Xaqiijinta kordhinta Dier ee Bayern ayaa la macno ah in xiddiga Ingariiska uu si rasmi ah uga tagi doono Tottenham isagoo 364 kulan u saftay kooxda Waqooyiga London ka dhisan muddo sagaal sano iyo bar ah, isagoo diiwaan geliyay 13 gool iyo 12 caawin.
HBN NEWS DESK