Arsenal, Liverpool iyo Manchester City ayaa dhamaantood lagu soo waramayaa inay ku loolamayaan saxiixa xiddiga khadka dhexe ee kooxda Bayern Munich Joshua Kimmich.
29-sano jirkaan ayaa inta badan waayihiisa ciyaareed ku qaatay Bayern ka dib markii uu kooxda kaga soo biiray Stuttgart xagaagii 2015-kii.
Kimmich wuxuu ku riyaaqay guulo la taaban karo sagaalkii sano ee uu joogay Bavaria, isagoo kooxda ka caawiyay inay ku guuleystaan 8 horyaal oo Bundesliga ah, seddex koob oo DFB-Pokal ah, lix koob oo German Super Cups ah, Champions League, UEFA Super Cup Cup iyo Koobka Adduunka.
Ciyaaryahanka heerka caalami ee dalka Jarmalka ayaa sii waday inuu fure u noqdo Bayern xilli ciyaareedkan, isagoo saftay 31 kulan tartamada oo dhan.
Sida laga soo xigtay saxafiga Florian Plettenburg, Arsenal, Liverpool iyo Man City ayaa ka mid ah shanta kooxood ee Kimmich ay u furan tahay inuu ku biiro xagaaga.
Real Madrid iyo Barcelona ayaa sidoo kale loo arkaa meelo uu ku biiri karo Kimmich, kaasoo lagu eedeeyay inuu xiriir la sameeyay qaar ka mid ah shanta kooxood.
HBN SPORTS DESK