Qorshaha Manchester United ee suuqa kala iibsiga bisha Janaayo ayaa lagu soo waramayaa inuu yahay mid aan cadeyn sababtoo ah dib u dhac ku yimid ku dhawaaqista imaatinka Sir Jim Ratcliffe ee Old Trafford.
Ratcliffe ayaa lagu wadaa inuu ku iibsado 25% Red Devils ku dhawaad £ 1.3bn, iyadoo bilyaneerka Britishka ah uu markii hore u yimid saamiley laga tirada badan yahay ka hor inta uusan si buuxda ula wareegin waqti dambe.
Warbixino kala duwan oo todobaadkii hore soo baxay ayaa sheegayay in imaatinka 71-sano jirkaan la xaqiijin doono ka hor dhamaadka fasaxa caalamiga ah ee November, laakiin sida laga soo xigtay The Telegraph, waxaa hadda jirta cabsi laga qabo in ogeysiisku uusan imaaneyn ilaa usbuuca soo socda.
Daafac dhexe oo cusub iyo weeraryahan dhexe ayaa la sheegay in la bartilmaameedsan karo, warbixin dhawaan soo baxday ayaa sheegtay in imaatinka Ratcliffe ay Man United u ogolaan doonto inay hesho lacag badan oo ay ku qarash gareyso bisha Janaayo.
Si kastaba ha ahaatee, dib u dhac kasta oo ka badan usbuuca soo socda waxay la macno noqon kartaa in Premier League aanu ansixin doonin heshiiska ilaa ka dib marka uu xirmo suuqa kala iibsiga January.
HBN NEWS DESK