Chelsea ayaa raadineyso inay heshiis cusub ka saxiixato ciyaaryahanka khadka dhexe Conor Gallagher sida ugu dhaqsaha badan.
Gallagher ayaa xiliciyaareed isku dhaf ah ku qaatay kooxda chelsea xilli ciyaareedkiisii ugu horeeyay isaga oo si joogto ah ugu ciyaara kooxda laakiin inta badan waxa uu ka soo muuqday kursiga kaydka.
Natiijo ahaan isaga oo aan saameyn badan ku yeelan maareeyayaasha kala duwan, waxaa si weyn loo wariyay intii lagu jiray xagaaga in Chelsea ay diyaar u tahay inay lacag kaash ah ku bixiso adeegiisa.
Si kastaba ha ahaatee, inkastoo si aad ah loola xiriirinayay kooxaha kale ee Premier League, Chelsea ayaa ugu dambeyntii sii heysatay saxiixiisa, go’aankaas oo uu taageeray tababare Mauricio Pochettino oo ku aaddan joogitaankiisa kooxda.
Sida laga soo xigtay 90min, Boehly iyo Clearlake waxay hadda beddeleen mawqifkoodii Gallagher, ujeedadu hadda waxay tahay inay u gacan galiyaan qandaraas cusub oo waqti dheer ah.
Taa bedelkeeda, wadahadalada ayaa la filayaa inay furmaan ka hor dhamaadka sanadka iyadoo Chelsea ay haatan raadineyso inay ka hortagto dalab kasta bisha Janaayo ah.
HBN SPORTS DESK