Xulka kubada cagta qaranka Soomaaliya ee 17-jirada ayaa galabtay guul muhiim ah ka gaaray ciyaar dhiggooda Suudaan ay kula dheeleen magalada Kampala ee dalka Uganda.
Ciyaartoyda qaranka Soomaaliya oo soo bandhigay ciyaar aad u sareysay ayaa garoonka Nakivubo Stadium ee Caasimadda Uganda waxaa ay 1 iyo waxba kaga badiyeen xulka qaranka Suudaan.
Tartanka labada xul dhex maray oo ka mid ahaa ciyaaraha isreeb-reebka CECAFA UNDER-17 2024 ayaa waxaa sanadkan martigalinaya dalka Uganda.
Ciyaartoyda kubadda cagta Soomaaliya ayaa dhibaato kala kulma banadaa xulalka ugu tunka weyn ciyaaraha 17-jirada qaaradda Afrika, wallow Soomaaliya ay soo kabasho sameeyey sanadkii hore ee 2023-kii.
Soomaaliya ayaa ku guuleystay koobka CECAFA U-17, ka dib markii 3-1 ay uga badisay South Sudan Final-kii tartanka ee sanadkii hore oo ka dhacay dalka Itoobiya.
HBN ONLINE TV