Daafaca kooxda Liverpool ee Virgil van Dijk ayaa xaqiijiyay sida ay uga go’an tahay kabtanka Liverpool xilli ciyaareedkii ugu horeeyay ee Arne Slott ee garoonka Anfield.
Horaantii bishaan, Slott ayaa loo magacaabay bedelka Jurgen Klopp, isagoo qalinka ku duugay heshiis seddex sano ah si uu u noqdo tababaraha cusub ee Liverpool.
Bixitaankii Klopp ka dib sagaal sano oo uu maamulayay ayaa waxa ay keentay walaac ku saabsan sida habsamida leh ee uu ugu wareegi karo tababaraha cusub.
Waxa kale oo jira hubanti la’aan mustaqbalka ciyaartoyga muhiimka ah sida Van Dijk oo uu qandaraaskiisu dhacayo dhamaadka xilli ciyaareedka 2024-25.
Inkasta oo la arki doono in uu heshiis cusub u saxiixi doono Van Dijk ayaa caddeeyay in uu sii ahaan doono kabtanka kooxda xilli ciyaareedka dambe kadib markii uu wadahadalo fiican la yeesho tababare Slot.
HBN SPORTS DESK