Manchester United ayaa la filayaa inay Kobbie Mainoo u gacan galiso qandaraas cusub ka dib geesinimadiisii finalkii FA Cup-ka laakiin waxa la sheegay inay sugi doonto ilaa suuqa kala iibsiga xagaaga si ay dalab uga gudbiso.
19-sano jirkaan ayaa sanad horumar leh ku qaatay Old Trafford, waxaana uu u soo muuqday mid ka mid ah ciyaartoyda furaha u ah Red Devils ka hor xilli ciyaareedka 2024-25.
Mainoo ayaa si dhaqso ah u noqday taageere ay jecel yihiin taageerayaasha kooxda ka dib markii uu u saftay kulankiisii ugu horeysay ee Premier League Everton bishii Nofembar.
Qaab ciyaareedkiisa cajiibka ah ee xilli ciyaareedkan ayaa kasbaday in looga yeero kooxda koowaad isla markaana uu tixgeliyo xulka England ee Gareth Southgate ee ka qeyb galaya Euro 2024 ee Germany.
Kobbie Mainoo ayaa qarka u saaran inuu qandaraas cusub u saxiixo Man United
Da’yarka ayaa saxiixay heshiis saddex sano ah bishii February ee sanadkii hore, kaas oo kooxda ku sii hayn doona ilaa June 2026, laakiin United ayaa doonaysa in ay aqoonsato muhiimada sii kordheysa ee Mainoo iyo heerka uu ku leeyahay kooxda iyada oo u soo bandhigtay heshiis cusub oo horumarsan.
Si kastaba ha ahaatee, sida laga soo xigtay The Telegraph, inta badan wadahadaladaas waxay u badan tahay inay dib u dhacaan ilaa ka dib marka uu xirmo suuqa kala iibsiga xagaaga 30ka Agoosto.
HBN SPORTS DESK