Manchester United ayaa lagu soo waramayaa in lagu wargeliyay inay la timaado dalab 80 milyan ginni ah si ay ula soo saxiixato daafaca dhexe ee Everton Jarrad Branthwaite inta lagu guda jiro suuqa kala iibsiga xagaagan.
21-sano jirkaan, oo lagu daray xulka hordhaca ah ee England ee Euro 2024, ayaa ku riyaaqay xilli ciyaareedkii 2023-24 ee kooxdiisa Merseyside.
Branthwaite ayaa 41 kulan u saftay tartamada oo dhan kooxda Sean Dyche, oo ay ku jiraan 35 kulan oo Premier League ah, wuxuuna ka caawiyay Toffees inay badiso shan ka mid ah siddeedii kulan ee ugu dambeeyay horyaalka xilli ciyaareedkan.
Hadda waxaa jira hadal heyn badan oo ku saabsan mustaqbalka xiddiga reer England, iyadoo kooxo badan la rumeysan yahay inay jecel yihiin daafaca.
Newcastle United iyo Real Madrid ayaa weli lala xiriirinayaa Branthwaite, laakiin xiisaha ugu xoogan ayaa la rumeysan yahay inuu ka imaanayo Man United, taasoo laga yaabo inay xagaagan la soo wareegto labo daafac dhexe oo cusub.
HBN SPORTS DESK